معيار التفرقة والترابط بين قانون الإجراءات و قانون العقوبات - هام جدا

 الحلقة الأولى 

دي يعتمد فيها نمشى مع بعض لمدة سنة نشرح مادة مادة في القانون هحاول اشرح بأسلوب مبسط اخذذ مادة مثلا إجراءات جنائية مع مادة عقوبات مادة مرافعات مع مادة مدني و كل الفروع

انا اقل من اني اقول زميل من الاخر انا بعمل حاجة بحبها و مش بنافس غير فى قاعة المحكمة لاني حلمي اكون من الأسماء الرنانة فى المحاماة

فى شرحي احتمال اغلط صلحلي عادي ثقتي فى نفسي اكبر من اني اتهز او اني اتحرج بنتعلم من بعض بس بلاش جو اصطياد الأخطاء خلي الكل يستفاد بشكل يكون حلو و اعذروني فى خبرتي اني اقل منكم جميعا فى العلم اشكركم

كنت أبده بأول مادة بس قولت اسخن معاكم عشان الواحد لياقته البدنية ترتفع مع الوقت و ينزل أول ماتش يضيع 3 بونط اهو التعادل مش وحش

قولت أبدء بأية هو قانون الإجراءات و قانون العقوبات و معيار التفرقة و الترابط بينهم

بهدوءءءءءءءءءء

الإجراءات : مجموعة قواعد قانونية تنظم نشاط تباشره السلطات العامة و قائم على ركنين السبب يبقي علطول الجريمة و الغاية تبقي العقاب

طب العقوبات : مجموعة قواعد قانونية برضه تحدد بقي الأفعال لتى تعد جرائم و تبين العقوبات المقررة للجرائم دي أية

ارتباطهم ببعض ايه : مرتبطين ارتباط وثيق لان الإجراءات هو إلى ينقل العقوبات من وضع السكون لوضع الحركة

ولهذا قيل شوفوا جمال التعبير :- من يتقن وضع قانون العقوبات ثم يترك الإجراءات بدون إتقان كمن يبني قصرا في الهواء انا قلبي وجعني من التعبير أساسا ☺️☺️☺️ده انا لو أتجوزت مش هعرف اقولها الكلمتين دول

طب ممكن يكون فيه معايير للتميز اه فى ؟؟!!!!

😳

ثلاث معايير بسرعة نعدي عليهم

 1- مكان وجود قاعدة قانونية و ده وصل رأي الفقهاء انه مش معيار حاسم قالك إجراءات ساعات ينظم العقوبات و المثال جرائم الامتناع عن الشهادة و العقوبات ساعات هو الي بينظم الاجراءات و المثل الشكوى و الطلب و الإذن ,,

2- الهدف من القاعدة ,,, و قال برده لا يصلح الاتنين هدفهم واحد واحد حماية المصلحة الاجتماعية

فين ياعم التفرقة قالك 

3- موضوع كلا منهما العقوبات بيحدد سلوك و العقوبات للافعال التي ينهي عنها المجتمع اما الاجراءات بقي تحدي الاجراءات الواجب اتباعها عند وقوع جريمة و الجهات القضائية التى يجب ان تفحصها ماهي مش غابة

بس خدو بالكم من الجاي بقي عشان مهم و كان سبب كتابتي فى العديد من البوستات و سبب توعيتي ليكم يا محاميييييييييييييييييييييييييييييييين

قالك رغم معيار التميز اللي ذكر لكن مهما حصل الاجراءات اثره واضح فى العقوبات ليه بقي قالك ركزوا فى دي بقي ((((( يرسم حدود سلطة القاضى فى القضاء بما ينص عليه هذا القانون ))))) لازم نهتم بالاجراءات اوي

بسرعة كد ننهي بحاجتين

موضوع الاجراءات الجنائية يتطلب امرين 

• 1- بيان الأجهزة التى تعهد اليها الدولة ممارسة النشاط اللي كات فى التعريف فاكرينه و الأمر الثاني تحديد القواعد و الاصول التى تحكم هذه الهيئات الهيئات دي هى الضبطية القضائية , النيابة العامة او قاضى التحقيق قضاء الحكم , وسلطات التنفيذ العقابي

و تمر الإجراءات بالمراحل الاتية 

• 1- الاستدلال 
• 2- التحقيق الابتدائي 
• 3- المحاكمة ضمنها الطعن فى الحكم 
• 4- تنفيذ العقوبة او التدبير الاحترازي

---- قانون العقوبات قسمين عام و ده الأحكام التى تخضع لها الجرائم و العقوبات على اختلاف انواعها

خاص: يحدد القواعد الى تحدد أركان كل جريمة و عقوبة على حدة

أسف للإطالة

#ارحب بالنقد_البناء

#اعذروني فى اي خطأ

#هنرجع_هيبتنا

محمدعماد المحامى